من أول خطوة تخطينها داخل القاعة إلى لحظة جلوسج على الكوشة، ندرّبج على زفّتج كاملة عشان تعيشين هاللحظة بثقة وهدوء، وبتفاصيل تناسبج وتليق بطلّتج.
مع استشارية العرايس فدوى الطويل في دانس بوتيكس، تتدرّبين عمليًا على إتيكيت المشية والوقفة، وتضبطين توقيت خطواتج مع إيقاع الزفّة. ونتدرّب معاج على زوايا الوقوف وطريقة الالتفات للكاميرا، عشان تطلعين بالصور والفيديو بطلّة طبيعية وأنيقة.
ونهتم معاج بالتفاصيل اللي تفرق يوم العرس، من اختيار الكعب المناسب والتعوّد على المشي فيه، إلى طريقة الحركة بالنفنوف والتصرّف بهدوء ورُقي. ونعيد تطبيق الدخول كامل، عشان تكون كل خطوة مألوفة لج وتحافظين على أناقة طلّتج لين تقعدين على الكوشة.